Fi ċpar imlaħħam imdellek ma' xagħri
ġarrejt il-mewt fuq karru żlugat,
idha tkaxkar maż-żrar turmentat,
ġrieden 'pestati jnaqqru fil-fond
jisirqu l-erwieħ f'abbiss ċirku tond.
Wiċċi mgħotti, ċarruta ma' ħalqi,
kull seba' minuti niċċekja taħt abti
biex nara l-infafet tax-xjaten twildux.
Il-mewt mgħottija, mid-dinja moħbija
inġorr u niġbed sakemm intiegħem
melħa melħa mill-għaraq spuntat.
Waqaft nistrieħ mitt metru 'l bogħod
minn munzell bċejjeċ ta' katavri mneffħin.
Biz-zokk għollejt l-għata li satret il-mewt,
in-nifs qatel ruħu, tiċlisa żellieġa, kollox idur,
imħabbti hemm rieqda, intfielha l-kulur. (C)
Friday, December 17, 2010
Friday, December 3, 2010
Minuta Silenzju
Tbatija: ta' min tgħajjat maħnuqa,
ta' min belgħet ilsienha.
Minuta silenzju għat-tqattigħ murtalesk
bil-pellikan iteftef l-offerta enneżma.
Minuta silenzju għat-torrijiet progressivi
bbalzmati f'tlett elef memorja eterna.
Minuta silenzju għall-minuti miktuba
moħlija ta' kittieb eżiljat.
Minuta silenzju għall-mara b'sidirha ċoff
li jinħall kull filgħaxija.
Minuta silenzju għall-immigrant irregolari
bil-passaport ġdid jixgħel f'idu,
imxarrab b'melħ odjuż.
Minuta silenzju għall-omm bla tfal
tibki trabi mxaqqa.
Minuta silenzju għas-suldat imriegħed
bil-fwied ta' sieħbu f'idu.
Minuta silenzju għall-art imqaddsa
bid-demm Palestinjan.
Tbatija mkeffna f'minuta silenzju.
Minuta silenzju...issa nistgħu nkomplu. (C)
ta' min belgħet ilsienha.
Minuta silenzju għat-tqattigħ murtalesk
bil-pellikan iteftef l-offerta enneżma.
Minuta silenzju għat-torrijiet progressivi
bbalzmati f'tlett elef memorja eterna.
Minuta silenzju għall-minuti miktuba
moħlija ta' kittieb eżiljat.
Minuta silenzju għall-mara b'sidirha ċoff
li jinħall kull filgħaxija.
Minuta silenzju għall-immigrant irregolari
bil-passaport ġdid jixgħel f'idu,
imxarrab b'melħ odjuż.
Minuta silenzju għall-omm bla tfal
tibki trabi mxaqqa.
Minuta silenzju għas-suldat imriegħed
bil-fwied ta' sieħbu f'idu.
Minuta silenzju għall-art imqaddsa
bid-demm Palestinjan.
Tbatija mkeffna f'minuta silenzju.
Minuta silenzju...issa nistgħu nkomplu. (C)
Friday, August 27, 2010
Poeta Vagabond
(Hekk il-) poeta vagabond:
xagħra mfella ttir mar-riħ,
mibżuqa mill-fjuri jlellxu,
middieħqa min-nemel ordnat,
iħabbat bieb imsaddad
bil-pum immermer.
L-akbar ħabib li għandu
hu l-bastun imnaqqax
b'tikmix ġrajjietu.
Għadmu mibnija minn sensi:
ta' bliet minsija mfakkra;
ta' toroq itajru trab imtaqqal
bl-uġigħ tal-ħlas;
ta' rġiel imqaddsa jitliegħbu
għal koxxa mpaħpħa;
ta' nisa muti jaqdu
dmirijiethom sagrosanti;
ta' tfal ikkalzrati
b'teknoloġija moħxija.
B'pass imkaxkar imtawwal b'tama
li xi darba,
xi ħadd jaqbadlu idu mriegħda
u jġiegħlu jikteb l-aħħar vers tal-kapolavur;
li xi darba,
xi ħadd jisma' kitbietu mħarbxa
fir-raddi skuri mħaffra ta' għajnejh;
li xi darba,
xi darba jsib lil xi ħadd
li jgħinu jifhem kif jistrieħ.
Xi darba l-mewġa ruxxana
titlef il-kulur u tidbiel.
Sa dakinhar jibqa' miexi pass pass,
iħabbat u jkaxkar sakemm idu
taqla' l-aħħar qatra demm
u l-mewġa terġa' tieħu l-kulur.
(Hekk il-) poeta vagabond:
jisfuma fis-sħab ġerrej,
jintesa' mill-għorrief. (C)
xagħra mfella ttir mar-riħ,
mibżuqa mill-fjuri jlellxu,
middieħqa min-nemel ordnat,
iħabbat bieb imsaddad
bil-pum immermer.
L-akbar ħabib li għandu
hu l-bastun imnaqqax
b'tikmix ġrajjietu.
Għadmu mibnija minn sensi:
ta' bliet minsija mfakkra;
ta' toroq itajru trab imtaqqal
bl-uġigħ tal-ħlas;
ta' rġiel imqaddsa jitliegħbu
għal koxxa mpaħpħa;
ta' nisa muti jaqdu
dmirijiethom sagrosanti;
ta' tfal ikkalzrati
b'teknoloġija moħxija.
B'pass imkaxkar imtawwal b'tama
li xi darba,
xi ħadd jaqbadlu idu mriegħda
u jġiegħlu jikteb l-aħħar vers tal-kapolavur;
li xi darba,
xi ħadd jisma' kitbietu mħarbxa
fir-raddi skuri mħaffra ta' għajnejh;
li xi darba,
xi darba jsib lil xi ħadd
li jgħinu jifhem kif jistrieħ.
Xi darba l-mewġa ruxxana
titlef il-kulur u tidbiel.
Sa dakinhar jibqa' miexi pass pass,
iħabbat u jkaxkar sakemm idu
taqla' l-aħħar qatra demm
u l-mewġa terġa' tieħu l-kulur.
(Hekk il-) poeta vagabond:
jisfuma fis-sħab ġerrej,
jintesa' mill-għorrief. (C)
Wednesday, August 18, 2010
Tluq
Waqfa.
Ċaqliqa mfewħa.
Jidħol il-baħħ b'arja friska
jkessaħ l-orgażmu tar-ruħ.
Nixfa.
Qatr'ilma fgata.
Tebgħa fuq oħra ttappan viżta oskura.
Ġirja.
Pass imtawwal b'ħajja żverġnata.
Tluq 'il mixja merħi
fil-pali ta' ġennek san.
F'żiffa riħ tperprulek ħaddejk imqarqċa,
tbewsu l-ilsien u s-snien mal-ħanek moffa.
Baqbaq għerfek xpakkat mill-qoxr'għatu,
ġrew u splodew iċ-ċelloli minfuħa,
ġrew qalb l-għollieq ta' sidrek iqattar
ħalib u għasel – demm ibbalzmat.
Ix-xejn mimli b'vojt imdaqqas
li fawwar iż-żejjed fuq
l-imdaħħan mitluf.
Infaqgħet il-bużżieqa tax-xejnabbiss.
Intelaq in-nifs skars meħjut mat-tila.
It-tluq sar il-bidu li dejjem-qatt kien.
Il-bidu kien tluq li ma wassalx. (C)
Ċaqliqa mfewħa.
Jidħol il-baħħ b'arja friska
jkessaħ l-orgażmu tar-ruħ.
Nixfa.
Qatr'ilma fgata.
Tebgħa fuq oħra ttappan viżta oskura.
Ġirja.
Pass imtawwal b'ħajja żverġnata.
Tluq 'il mixja merħi
fil-pali ta' ġennek san.
F'żiffa riħ tperprulek ħaddejk imqarqċa,
tbewsu l-ilsien u s-snien mal-ħanek moffa.
Baqbaq għerfek xpakkat mill-qoxr'għatu,
ġrew u splodew iċ-ċelloli minfuħa,
ġrew qalb l-għollieq ta' sidrek iqattar
ħalib u għasel – demm ibbalzmat.
Ix-xejn mimli b'vojt imdaqqas
li fawwar iż-żejjed fuq
l-imdaħħan mitluf.
Infaqgħet il-bużżieqa tax-xejnabbiss.
Intelaq in-nifs skars meħjut mat-tila.
It-tluq sar il-bidu li dejjem-qatt kien.
Il-bidu kien tluq li ma wassalx. (C)
Thursday, May 27, 2010
Sptar 'Mentali'
Lasktu msawwar biex jimmolla ruħ il-ġenn,
id imriegħda,
dawl imteptep,
pillola ħajja.
L-iskeletru tal-ġagaga jtaqqab is-sanità fil-miġnun san.
L-iskeletru bla ġagaga jittaqqab bl-arbitrarjetà skaduta.
Lasktu msawwar biex jimmolla ruħ il-ġenn,
id merħija,
dawl imteptep,
pillola moħlija. (C)
id imriegħda,
dawl imteptep,
pillola ħajja.
L-iskeletru tal-ġagaga jtaqqab is-sanità fil-miġnun san.
L-iskeletru bla ġagaga jittaqqab bl-arbitrarjetà skaduta.
Lasktu msawwar biex jimmolla ruħ il-ġenn,
id merħija,
dawl imteptep,
pillola moħlija. (C)
Nobbiltà – Lil Bianca Zammit
Aħfirli ma nafekx. Meta smajt l-aħbar tqanqalt u għedt il-Malti għandu tama. Dal-ħsieb dedikat lilek: Maltija twerżaq ġustizzja b'silenzju niffiedi.
Mal-isparatura 'żbaljata' l-film reġa' beda mill-bidu.
Il-karattri għadhom jagħmlu l-makeup,
l-għajjat għadu tfesfis f'widnejn mimli xemgħa.
Ġriet il-balla kamikaze qalb demm u għadam verġni
sakemm sikret f'ilsienha għanqbuta.
Friża l-ħin fl-ispazju mdaħħan sakemm qalulu
li jista' jkompli jtektek l-ossiġnu sfurzat.
Bajda l-fjura milquta,
Ħamra l-fjura spiċċuta.
Imma le, spiċċuta mhijiex.
L-aħmar jerġa' jibjad fi trasfigurazzjoni eterna,
il-balla sakranazza tinbeżaq u tingħasar
f'id il-ġust meqjus ħati.
Tkompli l-ġlieda tixtieq twelled ħolma li darba kienet.
(li qatt kienet?)
Tirrakkma l-ġilda satin
biex toħloq destin. (C)
Mal-isparatura 'żbaljata' l-film reġa' beda mill-bidu.
Il-karattri għadhom jagħmlu l-makeup,
l-għajjat għadu tfesfis f'widnejn mimli xemgħa.
Ġriet il-balla kamikaze qalb demm u għadam verġni
sakemm sikret f'ilsienha għanqbuta.
Friża l-ħin fl-ispazju mdaħħan sakemm qalulu
li jista' jkompli jtektek l-ossiġnu sfurzat.
Bajda l-fjura milquta,
Ħamra l-fjura spiċċuta.
Imma le, spiċċuta mhijiex.
L-aħmar jerġa' jibjad fi trasfigurazzjoni eterna,
il-balla sakranazza tinbeżaq u tingħasar
f'id il-ġust meqjus ħati.
Tkompli l-ġlieda tixtieq twelled ħolma li darba kienet.
(li qatt kienet?)
Tirrakkma l-ġilda satin
biex toħloq destin. (C)
Tluq
F'żiffa riħ tperprulek ħaddejk imqarqċa,
tbewsu l-ilsien u s-snien mal-ħanek moffa.
Baqbaq għerfek xpakkat mill-qoxr'għatu,
ġrew u splodew iċ-ċelloli minfuħa.
Il-blu qabad id l-aħmar u welldu 'l vjola mċajpar,
ġrew qalb l-għollieq ta' sidrek iqattar
ħalib u għasel – demm ibbalzmat.
Infaqgħet il-bużżieqa tax-xejnabbiss.
Intelaq in-nifs skars meħjut mat-tila.
It-tluq sar il-bidu li dejjem-qatt kien.
Il-bidu kien tluq li ma wassal imkien. (C)
tbewsu l-ilsien u s-snien mal-ħanek moffa.
Baqbaq għerfek xpakkat mill-qoxr'għatu,
ġrew u splodew iċ-ċelloli minfuħa.
Il-blu qabad id l-aħmar u welldu 'l vjola mċajpar,
ġrew qalb l-għollieq ta' sidrek iqattar
ħalib u għasel – demm ibbalzmat.
Infaqgħet il-bużżieqa tax-xejnabbiss.
Intelaq in-nifs skars meħjut mat-tila.
It-tluq sar il-bidu li dejjem-qatt kien.
Il-bidu kien tluq li ma wassal imkien. (C)
Saturday, March 27, 2010
Michelle
Niżżerżaq niġbor l-aħħar qtar tal-assenza
li ħallejt impittra mal-liżar safi benniena.
Inkebbeb żewġ xagħriet mal-qamar imdellel,
nikteb kapitlu ieħor bla ma nispiċċah.
Inxomm ir-riħa ta' fjurtek imwelled minn ġufek verġni,
nixxennaq għal millisekonda oħra
biex induq tjubitek mhix spjegata.
Nistenna, nistenna, is-sema jiċċarrat,
nistenna, nistenna, il-baħħ jimtela.
Erġ' ejja lura,
it-tieqa mbexxqa,
il-liżar ma ħsiltux. (C)
li ħallejt impittra mal-liżar safi benniena.
Inkebbeb żewġ xagħriet mal-qamar imdellel,
nikteb kapitlu ieħor bla ma nispiċċah.
Inxomm ir-riħa ta' fjurtek imwelled minn ġufek verġni,
nixxennaq għal millisekonda oħra
biex induq tjubitek mhix spjegata.
Nistenna, nistenna, is-sema jiċċarrat,
nistenna, nistenna, il-baħħ jimtela.
Erġ' ejja lura,
it-tieqa mbexxqa,
il-liżar ma ħsiltux. (C)
Saturday, March 20, 2010
Itturufnat
Jien iswed faħma, klandestin imġiddem,
għarbi nkallat, terrorist minn ġuf ommi.
Niġbor għeruq imdemmija ta' nies bla wiċċ,
mill-baħar-qabar li jibla' 'l ħuti b'kapriċċ.
L-abjad sammarli l-musmar imsaddad tad-destin,
jikkoreġini fil-ħażen injorant tiegħi.
Għandu qalbu tajba w umli,
jitlob għalija biex nipprogressa w neduka l-ġensi.
Illum fuq il-qoxra mbandla tal-patibolu
niktiblu din l-ittra ta' ringrazzjament:
Grazzi talli dejjem tgħallimni
għax mingħajrek ma jien xejn. (C)
għarbi nkallat, terrorist minn ġuf ommi.
Niġbor għeruq imdemmija ta' nies bla wiċċ,
mill-baħar-qabar li jibla' 'l ħuti b'kapriċċ.
L-abjad sammarli l-musmar imsaddad tad-destin,
jikkoreġini fil-ħażen injorant tiegħi.
Għandu qalbu tajba w umli,
jitlob għalija biex nipprogressa w neduka l-ġensi.
Illum fuq il-qoxra mbandla tal-patibolu
niktiblu din l-ittra ta' ringrazzjament:
Grazzi talli dejjem tgħallimni
għax mingħajrek ma jien xejn. (C)
Sunday, February 7, 2010
Nixfa
Ixomm il-frak tal-warda mistika u
jivvjaġġa qalb moffa twaħħal l-esperjenzi.
Mal-ħoss tat-tikk jixxabbat ma' ruħ alla,
mal-ħoss tat-tokk id-daħqa ġġagħlu jorqod.
L-omm għarwiena b'sidirha tal-metall
insiet kif tkanta l-lullaby mistħija,
sabtet it-trabi mas-sur imxengel,
tfiet il-lampa t'għajnejha b'tazza nbid żienja.
Illejla anke ż-żiffa spiċċat bla nifs,
tokrob qatr' ossiġnu mill-qamar sakranazz. (C)
jivvjaġġa qalb moffa twaħħal l-esperjenzi.
Mal-ħoss tat-tikk jixxabbat ma' ruħ alla,
mal-ħoss tat-tokk id-daħqa ġġagħlu jorqod.
L-omm għarwiena b'sidirha tal-metall
insiet kif tkanta l-lullaby mistħija,
sabtet it-trabi mas-sur imxengel,
tfiet il-lampa t'għajnejha b'tazza nbid żienja.
Illejla anke ż-żiffa spiċċat bla nifs,
tokrob qatr' ossiġnu mill-qamar sakranazz. (C)
Saturday, January 23, 2010
Biżżejjed għalija
Biżżejjed għalija
dil-bewsa lewn id-deżert flgħaxija,
friska w qabbieża tkant' għanjiet ferrieħa.
Biżżejjed għalija
dil-ħarsa lewn il-futur mistur,
nebbiexa w profonda twelled poeta miġnun.
Biżżejjed għalija
dar-rigal lewn l-imħabba utopika,
senswali w predestinat għal ħajja bla tmiem. (C)
dil-bewsa lewn id-deżert flgħaxija,
friska w qabbieża tkant' għanjiet ferrieħa.
Biżżejjed għalija
dil-ħarsa lewn il-futur mistur,
nebbiexa w profonda twelled poeta miġnun.
Biżżejjed għalija
dar-rigal lewn l-imħabba utopika,
senswali w predestinat għal ħajja bla tmiem. (C)
Il-Kelb
Il-kelb midgħi beżaq bila ndifferenza lejn
ix-xadina razzjonali li libsitu l-kullar.
Jixrob l-ilma tal-ħajja ċivilizzata,
joħroġ ilsienu jilgħaq l-ipokrezija.
Marbut biċ-ċinga tan-normalità,
jersaq pass, pass, lejn il-linja safra,
impittra, imħaffra,
fit-tarmak ibaqbaq iwissi.
Ikkalzrat f'demokrazija jobdi l-aħħar ordni
tal-gvern progressiv mimli ġid, fiduċja w direzzjoni.
Ilesti s-sodda għal ibnu programmat,
mitlub ikattar ġenerazzjoni
li ħanxritlu l-emozzjoni. (C)
ix-xadina razzjonali li libsitu l-kullar.
Jixrob l-ilma tal-ħajja ċivilizzata,
joħroġ ilsienu jilgħaq l-ipokrezija.
Marbut biċ-ċinga tan-normalità,
jersaq pass, pass, lejn il-linja safra,
impittra, imħaffra,
fit-tarmak ibaqbaq iwissi.
Ikkalzrat f'demokrazija jobdi l-aħħar ordni
tal-gvern progressiv mimli ġid, fiduċja w direzzjoni.
Ilesti s-sodda għal ibnu programmat,
mitlub ikattar ġenerazzjoni
li ħanxritlu l-emozzjoni. (C)
Bla Titlu
Fuq bejt maħnuq kaxkart dwejjaq il-ġustizzja,
sqejt il-ġenn b'mitt gramma erotiżmu,
magħrfa sanità u kuċċarina ġakbinità.
Dendilt bejn il-kolonni 'l Sansun meħlub,
jimbotta mterter it-talba moribonda
li ommu seħtet, għannqet, twiet u rmiet.
Lill-belt miksija ġuġu w ħara qtajtilha l-arterja
biex nixrob ruħ il-verġni qaħba sagrifikata.
Temtimt versi dritti w versi mgħawwġa,
biex nirbaħ dinjietek gradiljata .
Kantaw għanjiet flaġellati f'dawl il-kelma kurunati. (C)
sqejt il-ġenn b'mitt gramma erotiżmu,
magħrfa sanità u kuċċarina ġakbinità.
Dendilt bejn il-kolonni 'l Sansun meħlub,
jimbotta mterter it-talba moribonda
li ommu seħtet, għannqet, twiet u rmiet.
Lill-belt miksija ġuġu w ħara qtajtilha l-arterja
biex nixrob ruħ il-verġni qaħba sagrifikata.
Temtimt versi dritti w versi mgħawwġa,
biex nirbaħ dinjietek gradiljata .
Kantaw għanjiet flaġellati f'dawl il-kelma kurunati. (C)
Subscribe to:
Posts (Atom)