Illum,
jien u l-poeżija nżajna għarwenin.
Bħal kull lejla kellna ninħabbu,
nitwaħħlu mal-liżar sakemm
sillaba sillaba jibdew jaqbżu fuq
saqqu ppolixjat b'sess innoċenti.
Illum,
jien u l-poeżija nżajna għarwenin.
Is-sillabi baqgħu ma ġewx,
in-nida girfet il-ġilda mistika tal-poeżija.
Ma kellix għażla ħlief li nerġa' nilbes,
nagħlaq it-tieqa u nqabbad sigarett. (C)
Wednesday, November 11, 2009
Subscribe to:
Post Comments (Atom)
No comments:
Post a Comment