Stħajjil

Il-bniedem mistħajjel jistħajjel l-allat
ta' deheb, inċens u mirra.
Jibni djar tibna fuq tibna
mimlija toqob imżarrta fi ħjut imberfla
fejn jidħol ir-riħ li jqalla l-istonku.

Idawwar ma' ġismu mbenġel il-kutra
vjola mnittna u l-kesħa kiesħa
tibqa' l-akbar ħabiba tiegħu.

Stħajjel li l-ħolma xi darba tieqaf.
Qabel ħareġ l-aħħar nifs imġiddem induna
li l-ħolma qatt ma bdiet. (C)